Rwanda
Kuri iki cyumweru tariki ya 30 Mata uyu mwaka, inzu y’umuturage ufite ubumuga iherereye mu kagari ka Nyabugogo, umurenge wa Muhima yafashwe n’inkongi y’umuriro yaje no guhitana ubuzimwa bw’abana babiri, naho umugore n’umugabo barakomereka.
Ahagana saa tanu n’iminota 10 za mu gitondo, ku muhanda wa Poids Lourds, ahateganye n’umusigiti uri munsi y’umuhanda. Umugabo ufite ubumuga bw’ingingo ku bw’ukuguru kumwe yacitse, bakunda kwita Gicumba yiberaga mu nzu y’icyumba kimwe n’uruganiriro, we n’umugore n’abana batatu.
Bamwe mu baturanyi batangaje ko iyi nzu yari isanzwe ikorerwamo ibikorwa by’ubucuruzi birimo n’ibikomoka kuri peteroli, lisansi (essence).Ngo mu gihe bari barimo kuyisukira hafi y’imbabura yaka amakara, bayivana mu njerekani, bikaba byahise biteza inkongi y’umuriro.
Aba bana babiri bahiye, harimo umukuru wigaga mu mwaka wa 6 w’amashuri abanza, n’umuto w’imyaka ibiri.
Rwanda
