Rwanda
AMANAMA Y’INTORE N’ABATERUZI B’IBIBINDI YO GUHOHOTERA IMPUNZI Z’ABANYARWANDA MURI FINLAND ARAKOMEJE
Nyuma y’aho Ijisho rya Rubanda ribatangarije inkuru y’amana y’ikipe y’abagizi ba nabi boherejwe na FPR mu Finland no mu bihugu byegeranye, inkuru mushobora kongera gusoma kuri iyi link (http://intabaza.com/?p=2383), Ijisho rya Rubanda ryakomeje gukurikirana aba bagizi ba nabi ba FPR.
Nkuko twabatangarije ko hari amanama akomeje kuba yiga ubugizi bwa nabi bwakorerwa impunzi z’abanyarwanda zibarizwa muri Finland no mu bihugu bituranye na Finland rero twaje kumenya ko inama iherutse kuba ikaba yarabereye murugo rwa Pasteur Jeroma Nyandwi, kandi ikaba yarabaye ku itariki ya 4 Werurwe 2017 (March 4th, 2017) nkuko mubibona kuri icyo kirango cyabo kiri hejuru.
Muri iyi nama higiwemo ibyo gukora liste y’abahutu bashizwe mucyiswe abanzi b’igihugu. Muri iyi nama kandi harimo itsinda ry’abarozi bitwaje uburozi bwise utuzi twa Dan Munyuza, ubwo burozi bukaba ari bimwe mu ntwaro z’abo bagizi ba nabi.
Ijisho rya Rubanda rirasba impunzi z’abanyarwanda aho ziri hose ku isi by’umwihariko iziri muri Finland kuba maso kugira ngo aba bagizi ba nabi batazica mu rihumye maza bakazimarira ku icumu.
Agapfa kaburiwe ni impongo kandi n’abafaransa baravuga ngo mieux vaut prévenir que guérir aribyo mu cyongereza bivuga ko “prevention is better than cure” . Gutahura no gushyira kukarubanda aba bagizi ba nabi ni zimwe mu tsinzi z’urugamba. Umunyarwanda wese aho ava akagera asabwe gukanura akaba ijisho rya mugenzi we kugirango izi nyangabirama zimenyekane hakiri kari zitaradutwara inshuti n’abavandimwe.
Murabe maso rero mwirinde uwabaca murihunmye. Zimwe mu ntwaro za kirimbuzi intore zitinya ni ukuri. Muzihate ukuri kuko zirebana ay’ingwe nako kuko zitunzwe n’ikinyoma.
Ukuri kuzatsinda kandi Umucunguzi ni Rubanda
Ijisho rya Rubanda
Kamali Straton
Helsinki
Rwanda
