Ndaje Rwanda mutima w’abawe

Forums Fabulous Ndaje Rwanda mutima w’abawe

Tagged: , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , ,

  • This topic is empty.
Viewing 1 post (of 1 total)
  • Author
    Posts
  • #204388
    Rwanda

    Ndaje Rwanda1. Ndaje Rwanda mutima w’abawe

    Soko shingiro nshima inkomoko

    Imikorere yawe iteye inkeke

    Abacu buzuye amaganya

    5. Ndaje Rwanda nkunda nkundira nkubaze

    Ko wahoranye ubutwari

    Abawe bakaririmba Repubulika

    Ubu Ishema ryawe ririhehe

    Abawe baheze i shyanga?

    10. Nyemerera nkubwize ukuri

    Nyamara ukaraje uramwirenza!

    Inzigo n’inzika byamara iki Muntu?

    Ibyiza nukubana neza

    Ibyago ntawabihamagaye!

    15. Erega amoko yabo sicyo cyasha

    Ishavu ridashira ni inda yabo

    Abacu ntibagihagije iyo ntare!

    Imikorere yayo iteye inkeke!

    Inkiko nta w’uzikomye!

    20. Invune z’abawe zahinyuje intwari

    Ariko intwarane twaje

    Yego inva si uburyamo

    Ariko uburyarya bwuje abawe!

    None abacu barashize!

    25. Gusa abagukunda tuzakwitangira

    Kugupfira ntapfunwe bidutera

    Inzira twatangiye ntigihagaze

    Imana ikunda u Rwanda turikumwe

    Ubumwe bwacu n’agaciro karwooo!!!

    30. Dore ibango nta banga

    Dutere duterure twese

    Twitse twange urwango

    Twungurane ingurane

    Ingorane zugarije u Rwanda.

    35. Rwanda ko tuje turirimba amahoro

    Imbeho igataha irebero urugwiro rukabura

    Abanzi babaza impanvu Abakunzi bavuza impundu?

    Intwaro zacu ntizivusha ngo zitere ishavu ababyeyi

    Zacuzwe na Mutarenganya.

    40. Twaje abarezwe neza

    Indamu munduru ntituyishaka

    Impaka n’iza kamarampaka

    Intwaro zacu nitwe ubwacu

    Ukuri kwacu kuzatsindaaa!!!

    45. Dore ngeze kwa Sogokuru aho i Burasirazuba

    Nsanga nyogokuru ababaye cyaneee!!!

    Acyamura ugutwi Ati icyampa ukunva

    Ntunvune ukanvuna mwana wange

    Nanjye ndita mugutwi nti ahubwo wantindiye!

    50. Ngeze Mubuganza bw’I Gisaka

    Nsanga barasakabaka

    Kabaka ati muribande ubundi ?

    Nanga kuripfana mpagarara nemye

    Nti  erega naho dukura ubutwari,

    55. Turi mwene Mutarenganya

    Wa Luteri rwa Rolilala rwa Gahindi Mohandasi

    Twanze intambara rero

    Duhitamo inzira y’amahoro

    Umurage wayo turawunyotewe

    60. Ubwo indahiro iramurenga ngo intsinzi arayiruzi

    Turikomereza dusaba urwagasabo

    Kanyarwanda ati: Ko inzira ibaye ndende?

    Nti : Intwaro ni ubutwari kandi ubutwari n’umutwaro

    Agahinda kabawe katubuza amahwemo,

    65. Kiyongozi ati twikomereze

    Ducyama ubwo twerecyeza Nduga

    Ndungutse ati mwabatindiye indagu yeze kera

    Gitera Ndongozi w’i Gitarama ati narimbiteze

    Ijambo rye turizirikana ubwo

    70. Ibwami tuhacyama baduha impundu

    Indirimbo y’amahoro yamamara i Nyaruguru

    Ababyunvuse biruhutsa bitsa amahoro

    Twese tuti erega nubundi ntacyo twapfaga!

    Twifatira inzira ubwo umwana asezera I wabo.

    75. Munzira twunva ab’ i Ruhande

    Induru bayigize ndende

    Ngo dutabare aho Rukomeye

    Dusanga ibyishimo byabarenze

    Inzira tuyifatanya ubwo,

    80. Twerekeza mu Kinyaga

    Imihanda yose dusanga twisanga

    Badusanganiza amafunguro

    Amafu aradusaba

    Badusaba gukomera ku ntego,

    85. Intambwe tuyigira ndende

    Ngo dusange ab’ i Musanze

    Dusanga bari maso

    Rukara adukubise amaso

    Amasonzi aramuzenga,

    90. Ngo nubundi yari yarabivuze

    Ubutwari buravukanwa

    Tumuzirikana ubwo turikomereza

    Ibanga ryacu rikwira urwagasabo

    Umwezi utaha urwatubyaye,

    95. Ndiruhutsa nti ahari harabaye

    Umwami abyunvise ubwo agwa mukantu

    Tuti gutsimbarara nibyo byoretse u Rwanda

    Indamu yawe si iyamwene Kanyarwanda

    Tera iyo ntambwe nawe urwubake!

    100. Ararahira arirenga

    asanga amazi yarenzinkombe

    Imbuto yera imihanda yose

    isarurwa na mwene Kanyarwanda

    Mutarenganya ahabwa ishimwe.

    105. Aho dushinze ikirenge

    Rubanda iba yahatanzwe

    Inzira imubanye inzitane

    Ahitamo kubaza Rubanda

    Ati nkoriki Rubanda

    110. Twese tuti: Ahooo!!!

    Tuti igisubizo n’icyo

    Nta mwami uba umwana

    ijwi rya rubanda ni rihabwe agaciro

    Gucurama ntibigukwiye,

    115. Cururuka wunve abawe

    Ikibazo kibaye insobe

    Ikiza ni ugusasa inzobe

    Ikindi rubanda yanze ikinyoma

    Ikimonyo gihirimana ubwiru

    115. Mbwira abunva igisubizo n’urukundo

    Igisigaye ni ugusaranganya

    Isuri isambira byinshi igasohoza bicye

    Icyiza nukubana buhanga

    Impanga zanga impagarara

    120. U Rwanda nirwande twanze induru

    Indirimbo yacu ni DEMOKARASI

    Nisugire isagambe

    Imbaga ihabwe ijambo

    Ishema n’isheja birange urwatubyaye.

Viewing 1 post (of 1 total)
  • You must be logged in to reply to this topic.
Font Resize