Rwanda
turusheho kumenya Abdallah Akishuli
Nshuti bavandimwe mukunda gukurikirana amakuru mugezwaho n’Ijisho rya Rubanda, turagirango tubamenyeshe ko twongeye gusimbukira Mayotte kugira ngo turusheho kumenya Abdallah Akishuli uwariwe kuko ntabwo ari buri wese uba premier ministre.
Ubusanzwe Mayotte irimo ibice bibiri, Petite Terre na Grande terre, impunzi z’abanyarwanda hafi ya zose zabaga Grande terre ariho Akishuli Abdallah yabaga akaba yarahageze mumyaka 2007-2008 kandi akaba yarahageze avuye i Kigali aho yakoraga umwuga w’ubu Taximan.
Akigera Mayotte yasanze uwayoboraga impunzi zaho Viateur Nsengiyumva agiye kugenda ngo aze Metropole, ubwo Abdallah Akishuli yari ahamaze icyumweru, akaba yarahasanze izindi nkotanyi z’amarere zari zaraje kumutegurira inzira.
Ubwo barikora nibwo bagiye kureba Viateur ari nka batanu bamusaba ko Akishuli ariwe wamusimbura, ubwo afata umwanya gutyo ariko mu by’ukuri ntamuntu wari ubazi neza rwose.
Akishuli akimara kuba president w’impunzi yahise yerekana ko ari inyenzi inkotanyi ajya mu bureau by’umuzungu wayoboraga association yitaga ku mpunzi witwa Veronique wakoreraga Cavanie amubwira ko amafranga yose Leta ya France imuha mu kwita ku mpunzi ariwe bagomba kuyaha akayajera (gérer) anahita yandikira ubuyobozi ko Veronique atageza ku mpunzi imfashanyo baba batanze .
Veronique yahise afunga bureau avuga ko atagishoboye gukorana na Akishuli, nibwo impunzi zahise siterana zimukuraho igitaraganya nawe atangira kuzimenasa (menacer) icyo gihe hagiyeho uwitwa Augustin noneho akorana neza na association yafashaga impunzi.
Nyuma y’ibi Akishuli ntiyashizwe, yahise yerekana ko afite kaminuza mu bugome akirirwa azenguruka Mayotte yose acunga impunzi nshyashya ije noneho akayibwira ko ariwe ukora amadosiye yo kwaka ubuhungiro, gutyo abamunyuzeho bose yabakoreye amadosiye mabi kuburyo na n’ubu baheze Mayotte.
Si ibyo gusa, Akishuli Abdallah yagendaga abaza umwirondoro wa buri muntu, aho bakomoka n’ akazi bakoraga yarangiza akabyohereza i Kigali nabo bagashaka information zibura cyangwa bakareba niba ibyo yohereje aribyo nyuma abantu bagakorerwa mandat Interpol. Ng’uko uko captaine Simbikangwa na Bourgmestre Ngenzi wa Kabarondo bakorewe ama dossiers.
Uretse n’ibyo uyu mugabo Akishuli Abdallah yigiriye kuri radio yivugira amazina y’impunzi z’abanyarwanda yashinjaga genocide abandi abasohora mubinyamakuru. Abanyarwanda baje kumuhagurukira nawe ahinduka igicibwa muri societé kuburyo wamubonaga yarihebye kubera ubugizi bwa nabi.
Byamuviriyemo kumara imyaka itanu nta byangombwa aza kubibona abiheshejwe n’abana be niko guhita ahunga Mayotte aza avuga ngo inyenzi zari zimwishe kandi abeshya.
Ubugome bwa Akishuli Abdallah bwasobanuwe n’umugabo ntashatse kuvuga izina wabaye ku Murindi akaba yarabaye no mugace ka Biryogo aho Akishuli yishe abantu batagira ingano.
Kubari batazi rero Akishuli Abdallah rero ni uwo wihisha mu bantu akabakorera amabi agategekesha igitugu ariko byose birangira bimugarutse. Ndahamya ko n’aba bose yashyize muri gouvernement ntibamuyobewe ahubwo ni uko bafite umugambi mubi ku banyarwanda ariko bizarangira bose bibagarutse.
Mu rurimi rw’igifaransa baravuga ngo “mieux vaut prévenir que guérir” ubwo abatumva igifaransa navuga ko mucyongereza ari “prevention is better than cure” naho mu kinyarwanda bagaca umugani ngo inyamaswa idakenga yishwe n’abatutizi. Ni byiza rero ko uwaba yiruka inyuma ya guverinoma ya Thomas na Akishuli atazi imikino barimo ko yafata akanya agatekereza neza kugirango ejo atazavuga ngo ntabwo yabimenye. Mbwirabumva ni umwana w’umunyarwanda.
Ijisho rya Rubanda
Mayotte
Rwanda
