ITANGAZO LYA FDLR N° 2017-001 RIGENEWE ABANYAMAKURU N'ABACUNGUZI

[Rwanda]

ITANGAZO LYA FDLR N° 2017-001 RIGENEWE ABANYAMAKURU N'ABACUNGUZI

CNRD KU NTEBE Y’IKINYOMA MU GIHE ISUMBIRIJWE KU RUGAMBA

---

Urugaga ruharanira demokarasi no kubohoza u Rwanda (FDLR) rurabeshyuza ibinyoma byambaye ubusa bikubiye mu itangazo No 01/CNRD/PP/Fev 17 rya CNRD-UBWIYUNGE ryo kuwa 09/2/2017.

Nk’uko bimaze kugaragarira buri wese, Bwana Ndagijimana Laurent wiyita Lumbago cyangwa Irategeka Wilson na CNRD-UBWIYUNGE ye, yafashe ingamba fatiro (stratégie) yo kugendera ku kinyoma ngo ayobye abanyarwanda bahagurukiye kurwanya ubutegetsi bw’agatsiko ka Paul Kagame. Ni muri urwo rwego ubu CNRD isumbirijwe cyane ku rugamba yahisemo gukwirakwiza inyandiko nyinshi zibasiye urugaga FDLR harimo ririya tangazo tuvuze haraguru hagamijwe kuyangisha rubanda; dore ko anariyo mpamvu nyamukuru yatumye CNRD ishingwa biturutse kuri FPR yaguze abayikuriye.

1.CNRD irihandagaza ikabeshya ngo FDLR kuva tariki ya 4/2/2017 irimo kugaba ibitero ku mpunzi z’abanyarwanda!!! FDLR ntishobora guhohotera impunzi yarinze imyaka isaga 20 na n’ubu ikaba izirinze.FDLR yashinzwe ngo irengere impunzi kandi ngo izazitahukane zemye mu rwazibyaye.Iyo gahunda ni ntakuka. CNRD ifite isoni zo kuvuga ko imerewe nabi cyane ku rugamba yashoje mu bene gihugu none irashaka kubigereka kuri FDLR.

2.Ibyo CNRD ivuga ko FDLR ikorana na M23 ntawabitindaho kuko no ku ruhinja rwavutse uyu munsi icyo kinyoma nticyafata.Kubeshya ngo FDLR ikorana na M23 ni nko kuvuga ngo injangwe yabaye inshuti y’imbeba cyangwa ngo agaca kakundanye n’inkoko!

3.CNRD ubu yikomye cyane col Kasongo wari inshuti magara ya Lumbago, shefu wayo, kandi wayifashije bikomeye mu kuvuka kwayo. Intandaro yo kumwibasira ni uko basanze amaze kubona ibimenyetso bihagije byerekana ko Lumbago-CNRD akoreshwa 100% na FPR INKOTANYI akanababazwa cyane n’amarorerwa akabije CNRD iri gukorera abaturage b’abagature,ibasahura imyaka yabo mu ngo no mu mirima ariko cyane cyane amatungo yabo.Hakiyongeraho amahoro(taxes) akabije n’inkoni bakubitwa iyo badashoboye kubona amafaranga babaciye.

Ni yo mpamvu col Kasongo na bagenzi be bahagurukiye kurwanya CNRD no kuyirukana mu turere twabo kugira ngo abaturage babeho mu mahoro nk’uko byahoze abashinze CNRD batarigumura kuri FDLR.

Bigaragara ko CNRD ishaka guteranya impunzi n’abenegihugu bazakiye zirokotse ubwicanyi bwa Raïa Mutomboki.

Col Jean Marie uharabikwa ko yishe impunzi ahubwo ari mu bazirengeye kuva 1996 Kugera ubu. CNRD iramuhora gusa ko ari kuyirwanya hamwe na bagenzi be.

4.Hariya hose havugwa mu tangazo rya CNRD ni aho ingabo za yo zimaze kwirukanwa n’abo benegihugu. Abantu ivuga bishwe n’abagore bafashwe ku ngufu ni ikinyoma giteye isoni. Biratangaje ukuntu CNRD imenya ko muri Rutchuru hafashwe abagore bangana kuriya b’abenegihugu ntihagire ishyirahamwe rirengera uburenganzira bwa kiremwamuntu na rimwe ry’abakongomani ribimenya ngo ribyamagane. CNRD iricara igahimba yarangiza igatangaza. Ngiyo intebe y’ikinyoma Lumbago- CNRD yicayeho.

5.Ku byerekeye imishyikirano CNRD isaba,FDLR yiteguye kwakirana ubwuzu abarwanyi bose bashutswe na Lumbago-CNRD barafata icyemezo cya kigabo cyo kugaruka mu rugaga.

6.FDLR irasaba abarwanyi n’abaturage bafashwe bugwate na CNRD kuboneraho kwitandukanya na yo ubu yabuze epfo na ruguru.

7.FDLR irasaba CNRD kureka amabi iri gukorera abenegihugu bakiye impunzi idakururira izo mpunzi amakuba itashobora guhagarika dore ko udashinga atabyina.

8.FDLR irasaba abanyarwanda bose baba hanze y’u Rwanda cyane cyane abibumbiye mu mashyaka arwanya ubutegetsi bwa Kagame kwirinda ibinyoma bya Lumbago-CNRD wabuze izo yabandwa.

 

Bikorewe i Masisi, tariki ya 13/2/2017
La Forge Fils Bazeye

Umuvugizi wa FDLR