Reply To: The Historical Events that Hurt Rwandans Feelings

[Rwanda]

Mu rukurera rwo kuri uyu munsi nibwo byamenyekanye ko hari abana batatu bazwi nka Mayibobo batwikiwe hafi n’inyubako ya CHIK. Abana 2 bahise bitaba Imana, undi arakomereka bikomeye; ubu ari kuvurirwa mu bitaro bya CHUK ndetse n’inzego zitandukanye zamaze gusura uyu mwana ngo barebe uko amerewe.

Abo bayobozi ni Umuyobozi w’Umujyi wa Kigali, Pascal Nyamulinda; Umunyamabanga Uhoraho muri Minisiteri y’Uburinganire n’Iterambere ry’Umuryango, Nadine Gatsinzi n’Umuvugizi wa Polisi y’Igihugu, ACP Theo Badege, basuye umwana w’inzererezi warokotse mu batwikishijwe lisansi ubu urwariye muri CHUK.

Polisi yavuze ko mu iperereza ryayo yatangiye yamaze gufata abagabo 3 bakekwaho kugira uruhare muri ubu bwicanyi, ariko ko ikeneye ko undi muntu wese waba ufite icyo abiziho yayifasha.